24-საათიან შარდში ალბუმინის რაოდენობა ასახავს თირკმლის ფილტრის (გლომერულების) გამტარობას.

ალბუმინის მაღალი მაჩვენებელი (ალბუმინურია) შესაძლოა გამოვლინდეს შემდეგ შემთხვევებში:

• დიაბეტური ნეფროპათია (შაქრიანი დიაბეტით გამოწვეული თირკმლის დაზიანება);

• ჰიპერტენზიული ნეფროპათია (არტერიული ჰიპერტენზიით გამოწვეული თირკმლის დაზიანება);

• გლომერულონეფრიტი (თირკმლის ფილტრის ანთება);

• თირკმლის ქრონიკული დაავადება;

• პრეეკლამფსია (ორსულობის ფონზე);

• გულის უკმარისობა;

• ცხელება, ინტენსიური ფიზიკური დატვირთვა, საშარდე გზების ინფექცია (დროებითი, არასპეციფიკური მომატება).

მნიშვნელოვანია, რომ ალბუმინის ნორმული მაჩვენებელი არ გამორიცხავს თირკმლის დაავადებას. ერთჯერადი პათოლოგიური შედეგი დასტურდება განმეორებითი ანალიზით, რადგან ცხელებამ, ფიზიკურმა დატვირთვამ ან ინფექციამ შესაძლოა გამოიწვიოს ალბუმინის დროებითი მომატება.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• კრეატინინის განსაზღვრა შარდში (Creatinine, Urine);

• ალბუმინ-კრეატინინის თანაფარდობის გამოთვლა შარდში (ACR);

• ცილის განსაზღვრა შარდში (Protein, Urine);

• ცილის განსაზღვრა 24-საათიან შარდში (Protein, 24h Urine);

• შარდის საერთო ანალიზი (Urinalysis);

• კრეატინინი და eGFR, სისხლში;

• შარდოვანას აზოტის განსაზღვრა სისხლში (BUN);

• გლუკოზის განსაზღვრა სისხლში (Glucose);

• გლიკირებული ჰემოგლობინის განსაზღვრა სისხლში (HbA1c);

• ლიპიდური პროფილი (TCHOL, TG, LDL-CHOL, HDL-CHOL);

• ელექტროლიტების კონცენტრაციის განსაზღვრა სისხლში (Na⁺, K⁺, Ca²⁺, Cl⁻).

გამოყენებული წყაროები:

• medlineplus.gov - Microalbumin Creatinine Ratio

• medlineplus.gov - Microalbuminuria test

• medscape.com - Microalbumin: Reference Range, Interpretation

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.