ალბუმინ-კორეგირებული კალციუმი ასახავს კალციუმის უფრო რეალისტურ დონეს ალბუმინის კონცენტრაციის გათვალისწინებით.

ალბუმინ-კორეგირებული კალციუმის მაღალი მაჩვენებელი (ჰიპერკალციემია) შესაძლოა გამოვლინდეს შემდეგ შემთხვევებში:

• პარათირეოიდული ჯირკვლის ჭარბი ფუნქცია (ჰიპერპარათირეოზი);

• ონკოლოგიური დაავადებები (განსაკუთრებით — ძვლის მეტასტაზებითა და მრავლობითი მიელომით);

• D ვიტამინის ჭარბი მიღება;

• ხანგრძლივი უმოძრაობა;

• ფარისებრი ჯირკვლის ჭარბი ფუნქცია (თირეოტოქსიკოზი);

• ზოგიერთი მედიკამენტი (თიაზიდური დიურეტიკები, ლითიუმის პრეპარატები).

ალბუმინ-კორეგირებული კალციუმის დაბალი მაჩვენებელი (ჰიპოკალციემია) შესაძლოა გამოვლინდეს შემდეგ შემთხვევებში:

• პარათირეოიდული ჯირკვლის დაქვეითებული ფუნქცია (ჰიპოპარათირეოზი);

• D ვიტამინის დეფიციტი;

• თირკმლის ქრონიკული დაავადება (თქდ);

• მაგნიუმის დაბალი დონე;

• მწვავე პანკრეატიტი;

• კალციუმის ნაწლავში შეწოვის დარღვევა (მალაბსორბცია).

თუ კალციუმის სტატუსი კლინიკურად საეჭვოა, რეკომენდებულია იონიზირებული კალციუმის უშუალო გაზომვა, რომელიც ალბუმინ-კორეგირებულ მაჩვენებელზე უფრო ზუსტია, განსაკუთრებით — თირკმლის ქრონიკული დაავადების მქონე პაციენტებში.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• კალციუმის განსაზღვრა სისხლში (Ca);

• იონიზირებული კალციუმის განსაზღვრა სისხლში (Ca++);

• ალბუმინის განსაზღვრა სისხლის შრატში (ALB);

• საერთო ცილის განსაზღვრა სისხლის შრატში (TP);

• ფოსფორის განსაზღვრა სისხლში (P);

• მაგნიუმის განსაზღვრა სისხლში (Mg);

• პარათირეოიდული ჰორმონის განსაზღვრა სისხლში (PTH);

• D ვიტამინის განსაზღვრა სისხლში (25(OH)D);

• ტუტე ფოსფატაზის განსაზღვრა სისხლში (ALP);

• კრეატინინი და eGFR, სისხლში;

• ღვიძლის ფუნქციური სინჯები (ALT, AST, GGT, ALP, TBIL).

გამოყენებული წყაროები:

• ncbi.nlm.nih.gov - Use of Albumin-Adjusted Calcium Measurements

• reference.medscape.com - Calcium Correction for Hypoalbuminemia

• ncbi.nlm.nih.gov - Derivation of an equation for albumin-adjusted calcium

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.