ენდომეტრიუმის ჰისტოპათოლოგიური კვლევა არის თვისობრივი (აღწერითი) დიაგნოსტიკური პროცედურა — ფასდება ენდომეტრიუმის არქიტექტონიკა, ციტოლოგიური ატიპია და, საჭიროების შემთხვევაში, იმუნოჰისტოქიმიური მარკერების ექსპრესია.

ნორმალური (კეთილთვისებიანი) სურათი შეესაბამება მენსტრუალური ციკლის ფაზის ადეკვატურ ენდომეტრიუმს ან კეთილთვისებიან წარმონაქმნებს (მაგ., ენდომეტრიუმის პოლიპი, ენდომეტრიტი).

პათოლოგიური სურათი შესაძლოა მოიცავდეს:

• ენდომეტრიუმის ჰიპერპლაზიას — ატიპიის გარეშე ან ატიპიით (ატიპიური ჰიპერპლაზია განიხილება როგორც კიბოსწინარე მდგომარეობა);

• ენდომეტრიუმის კარცინომას (ჰისტოლოგიური ტიპისა და დიფერენცირების ხარისხის მიხედვით);

• ქრონიკულ ენდომეტრიტს (ანთებითი პროცესი);

• ჰორმონული თერაპიით ინდუცირებულ ცვლილებებს.

იმუნოჰისტოქიმიური მარკერები პათოლოგს ეხმარება პათოლოგიური ცვლილების ბუნების დაზუსტებაში, ხოლო ავთვისებიანი ნეოპლაზიის ვერიფიკაციისას — სიმსივნის ტიპისა და მოლეკულური ქვეჯგუფის განსაზღვრაში.

ლაბორატორიული კვლევის შედეგები ყოველთვის უნდა შეფასდეს კლინიცისტის მიერ პაციენტის ანამნეზურ მონაცემებთან და სხვა დიაგნოსტიკური გამოკვლევების შედეგებთან კომპლექსურად.

• ენდომეტრიუმის კარცინომის მოლეკულური პროფილის კვლევა იმუნოჰისტოქიმიური მეთოდით;

• Ki-67 პროლიფერაციული ინდექსი (ქსოვილში);

• p53 იმუნოჰისტოქიმია;

• კარბოჰიდრატული ანტიგენის განსაზღვრა სისხლში CA 125;

• ადამიანის ეპიდიდიმური პროტეინ 4-ის განსაზღვრა სისხლში (HE4);

• ROMA ინდექსის გამოთვლა (HE4, CA 125);

• სისხლის საერთო ანალიზი, ედს (CBC+ESR).

გამოყენებული წყაროები:

• medlineplus.gov - Endometrial Biopsy

• ncbi.nlm.nih.gov - Immunohistochemical Markers in Endometrial Cancer: Latest Updates

• mdpi.com - Molecular Classification of Endometrial Carcinomas

• ნინო ღულათავა - სამედიცინო დირექტორი;

• ქეთევან კანკავა - მოლეკულური პათოლოგიის განყოფილების უფროსი, პათოლოგანატომი, იმუნოჰისტოქიმიის განყოფილების უფროსი;

• ლევან არჯევანიძე - კომერციული დირექტორი.