თიროქსინის თავისუფალი ფრაქცია (FT4) სისხლში

ფასი: 35 ₾

კვლევის შესახებ

თიროქსინი (Thyroxine) ფარისებრი ჯირკვლის ჰორმონია, რომელიც ფარისებრი ჯირკვლის მიერ გამომუშავებული ჰორმონების 90% შეადგენს. თიროქსინი ორგანიზმში ორი სახით არსებობს, უმეტესობა შეკავშირებულია ცილასთან (T4), მხოლოდ 0,03 % წარმოდგენილია თავისუფალი თიროქსინის (FT4) სახით. FT4 წარმოადგენს თიროქსინის აქტიურ ფორმას. თიროქსინი ტრიიოდთირონინთან ერთად გავლენას ახდენს ორგანიზმში ყველა უჯრედისა და ქსოვილის მეტაბოლიზმზე, თუმცა FT3-ის მეტაბოლური აქტივობა დაახლოებით 5-ჯერ მეტია FT4-თან შედარებით.

რა შემთხვევაში უნდა ჩაიტაროთ კვლევა?

ჰიპოთირეოზისთვის დამახასიათებელი ჩივილებია:

ძილიანობა, ენერგიის ნაკლებობა;
წონის მატება;
უმადობა;
სიცივის აუტანლობა;
დეპრესია;
მეხსიერების გაუარესება;
რეფლექსების შენელება;
მშრალი კანი და თმის ცვენა, ფრჩხილების დაზიანება;
ყაბზობა, შეკრულობა;
ბრადიკარდია;
მენორაგია;
კუნთების კრამპი (კრუნჩხვები);
შეშუპება.

ჰიპერთირეოზისთვის დამახასიათებელი ჩივილებია:

ოფლიანობა, სიცხის აუტანლობა;
მადის მატება;
წონაში კლება (ნორმალური ან გაძლიერებული მადის მიუხედავად);
ძილის დარღვევა;
ტრემორი (ხელის კანკალი);
ტაქიკარდია;
არითმია;
დიარეა;
თხელი, მსხვრევადი თმა და ფრჩხილი.

სხვა შემთხვევებში:

ლევოთიროქსინით მკურნალობის მონიტორინგის დროს;
TSH ნორმიდან გადახრის დროს;
ორსულობის დაგეგმვისას;
უშვილობის დროს;
პროფილაქტიკური კვლევისას.

ინტერპრეტაცია

FT4 დონე სისხლში იმატებს შემდეგ შემთხვევებში:

ჰიპერთირეოზის დროს (ფარისებრი ჯირკვლის ჰიპერფუნქცია);
გრეივსის დაავადების დროს;
დიფუზურ-ტოქსიური ჩიყვის დროს;
მწვავე თირეოიდიტის დროს (საწყისი სტადია);
ლევოთიროქსინის ჰიპერდოზირეისას.

FT4 დონე სისხლში იკლებს შემდეგ შემთხვევებში:

ჰიპოთირეოზის დროს;
იოდის დეფიციტის დროს;
ზოგიერთი მედიკამენტის ზემოქმედაბისას (ამიოდარონი, ლითიუმი);
თეირეოიდექტომიის შემდეგი პერიოდის დროს.

გაითვალისწინეთ, რომ კვლევის შედეგი უნდა შეფასდეს მკურნალი ექიმის მიერ.

კვლევასთან ერთად ასევე ხშირად იტარებენ შემდეგ გამოკვლევებს:

როგორ მოვემზადოთ კვლევისთვის?

სასურველია, კვლევა ჩატარდეს უზმოდ, მედიკამენტის მიღების გარეშე, რომელიც გავლენას ახდენს ფარისებრი ჯირკვლის ფუნქციაზე.

ტესტის მეთოდოლოგია

"Alinity i (Abbott, USA)- chemiluminescent microparticle immunoassay (CMIA) - ავტომატური იმუნოლოგიური ანალიზატორი ADVIA Centaur® XPT (Siemens Healthiness, Germany) - direct chemiluminescence methodology - ავტომატური იმუნოლოგიური ანალიზატორი"

მასალის ტიპი

სისხლი (შრატი)

კვლევის შესრულების დრო

4 საათი

ქვეყანა

საქართველო

ავტორი და წყარო

გამოყენებული წყაროები:

კვლევის კატეგორია

იმუნოლოგია