შარდში კალციუმის რაოდენობა ასახავს ორგანიზმში კალციუმის ცვლისა და თირკმლის მიერ მისი გამოყოფის მდგომარეობას.

შარდში კალციუმის მაღალი მაჩვენებელი (ჰიპერკალციურია) შესაძლოა გამოვლინდეს შემდეგ შემთხვევებში:

• იდიოპათიური (გაურკვეველი მიზეზის) ჰიპერკალციურია — თირკმლის კენჭების ხშირი მიზეზი;

• პარათირეოიდული ჯირკვლის ჭარბი ფუნქცია (ჰიპერპარათირეოზი);

• D ვიტამინის ჭარბი მიღება;

• ძვლის რეზორბციასთან დაკავშირებული მდგომარეობები (ხანგრძლივი უმოძრაობა, ძვლის მეტასტაზები, მრავლობითი მიელომა);

• ფარისებრი ჯირკვლის ჭარბი ფუნქცია (თირეოტოქსიკოზი);

• კალციუმითა და ნატრიუმით მდიდარი კვება;

• ზოგიერთი მედიკამენტი (მაგ., მარყუჟოვანი დიურეტიკები, კორტიკოსტეროიდები).

შარდში კალციუმის დაბალი მაჩვენებელი (ჰიპოკალციურია) შესაძლოა გამოვლინდეს შემდეგ შემთხვევებში:

• პარათირეოიდული ჯირკვლის დაქვეითებული ფუნქცია (ჰიპოპარათირეოზი);

• D ვიტამინის დეფიციტი;

• თირკმლის ფუნქციის დარღვევა;

• კალციუმის არასაკმარისი მიღება ან მისი ნაწლავში შეწოვის დარღვევა (მალაბსორბცია);

• თიაზიდური დიურეტიკების მიღება (ამცირებენ კალციუმის გამოყოფას).

შარდში კალციუმის მაჩვენებელი მნიშვნელოვნად არის დამოკიდებული კვებაზე (კალციუმის, ნატრიუმისა და ცილის მიღებაზე), ამიტომ ის ფასდება პაციენტის ჩვეული რაციონის გათვალისწინებით.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• კალციუმის განსაზღვრა სისხლში (Ca);

• იონიზირებული კალციუმის განსაზღვრა სისხლში (Ca++);

• ალბუმინ-კორეგირებული კალციუმის განსაზღვრა სისხლში (Ca/Al);

• ფოსფორის განსაზღვრა სისხლში (P);

• პარათირეოიდული ჰორმონის განსაზღვრა სისხლში (PTH);

• D ვიტამინის განსაზღვრა სისხლში (25(OH)D);

• კრეატინინის განსაზღვრა შარდში (Creatinine, Urine);

• კრეატინინი და eGFR, სისხლში;

• შარდმჟავას განსაზღვრა შარდში (Uric Acid, Urine);

• შარდის საერთო ანალიზი (Urinalysis);

• ტუტე ფოსფატაზის განსაზღვრა სისხლში (ALP);

• თირეოტროპული ჰორმონის განსაზღვრა სისხლში (TSH).

გამოყენებული წყაროები:

• mayocliniclabs.com - Calcium, 24 Hour, Urine

• en.wikipedia.org - Hypercalciuria

• ncbi.nlm.nih.gov - Improving the diagnostic of absorptive hypercalciuria

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.