სრული TBNK-პანელის ინტერპრეტაცია ხდება ერთიანად, ცალკეული ლიმფოციტური ქვეპოპულაციების ცვლილებათა ანალიზით.

T-ლიმფოციტების (CD3+) ცვლილებები:

• კლება შესაძლოა გამოვლინდეს: პირველადი იმუნოდეფიციტის (SCID, DiGeorge-ის სინდრომი), აივ-ინფექციის (განვითარებულ სტადიაზე), იმუნოსუპრესიული მკურნალობის, ქიმიოთერაპიის, რადიოთერაპიის, ღვიძლის ციროზისა და ხანდაზმული ასაკის დროს;

• მომატება: ვირუსული ინფექციების და T-უჯრედული ლეიკემიების/ლიმფომების მახასიათებელია.

CD4 ლიმფოციტების კლება (CD4 ლიმფოპენია):

• აივ-ინფექციის, პირველადი იმუნოდეფიციტის, იმუნოსუპრესიული თერაპიის, ქიმიოთერაპიის, რადიოთერაპიის და მძიმე ინფექციური მდგომარეობების მახასიათებელია;

• CD4 < 200 უჯრედი/მკლ-ზე აივ-ინფიცირებულ პაციენტში - შიდსის (AIDS) დიაგნოსტიკური კრიტერიუმია.

CD8 ლიმფოციტების მომატება:

• მწვავე ვირუსული ინფექციების (EBV - ინფექციური მონონუკლეოზი, CMV, ვირუსული ჰეპატიტი), აივ-ინფექციის ადრეული სტადიის, T-უჯრედული ლეიკემიების და ლიმფომების, დიდი გრანულირებული ლიმფოციტების (LGL) ლეიკემიის და აუტოიმუნური დაავადებების მახასიათებელია.

B-ლიმფოციტების (CD19+) ცვლილებები:

• კლება ან არარსებობა: X-შეჭიდული აგამაგლობულინემიის (Bruton-ის სინდრომი), საერთო ცვალებადი იმუნოდეფიციტის (CVID), SCID-ის და ანტი-CD20 თერაპიის (რიტუქსიმაბი) მახასიათებელია;

• მომატება: ხშირად შეესაბამება ქრონიკულ ლიმფოციტურ ლეიკემიას (B-CLL) ან B-უჯრედულ ლიმფომას.

NK ლიმფოციტების ცვლილებები:

• კლება: NK-უჯრედული დეფიციტის, SCID-ის T-B+NK- ფორმის, იმუნოსუპრესიული მკურნალობის და ქრონიკული ვირუსული ინფექციების მახასიათებელია;

• მომატება: ხშირად ვირუსული ინფექციების და NK-უჯრედული ლიმფოპროლიფერაციული პროცესების მახასიათებელია.

CD4/CD8 თანაფარდობის ცვლილება:

• CD4/CD8 < 1.0 (ინვერსია): აივ-ინფექციის, მწვავე ვირუსული ინფექციების (CMV, EBV), ხანდაზმული ასაკის და ზოგიერთი აუტოიმუნური დაავადების მახასიათებელია;

• CD4/CD8 > 4.0: სარკოიდოზის, ზოგიერთი აუტოიმუნური დაავადების და T-უჯრედული ლიმფოპროლიფერაციული პროცესების მახასიათებელია.

ლიმფოციტური ქვეპოპულაციების კომბინირებული ცვლილებების (SCID) მაგალითები:

• T-B+NK+ SCID: T-უჯრედების მკვეთრი დაქვეითება ან არარსებობა, B და NK უჯრედები ნორმაში;

• T-B-NK+ SCID: T და B უჯრედების მკვეთრი დაქვეითება, NK უჯრედები ნორმაში (RAG მუტაციები);

• T-B+NK- SCID: T და NK უჯრედების მკვეთრი დაქვეითება, B უჯრედები ნორმაში (X-შეჭიდული SCID - IL2RG მუტაცია);

• T-B-NK- SCID: ყველა ლიმფოციტური ხაზის მკვეთრი დაქვეითება (ADA დეფიციტი).

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• ლეიკოციტების მორფოლოგიური შეფასება პერიფერიულ სისხლში;

• იმუნოგლობულინ G-ის განსაზღვრა სისხლში (IgG);

• იმუნოგლობულინ M-ის განსაზღვრა სისხლში (IgM);

• იმუნოგლობულინ A-ის განსაზღვრა სისხლში (IgA);

• იმუნოგლობულინ E-ის განსაზღვრა სისხლში (IgE);

• კომპლემენტის C3 კომპონენტის განსაზღვრა სისხლში (Complement C3);

• კომპლემენტის C4 კომპონენტის განსაზღვრა სისხლში (Complement C4);

• აივ-ის საწინააღმდეგო ანტისხეულებისა და p24 ანტიგენის კომბინირებული განსაზღვრა სისხლში (HIV Ag/Ab Combo);

• ციტომეგალოვირუსის საწინააღმდეგო IgG ანტისხეულების განსაზღვრა სისხლში (CMV IgG);

• ციტომეგალოვირუსის საწინააღმდეგო IgM ანტისხეულების განსაზღვრა სისხლში (CMV IgM);

• ეპშტაინ-ბარის ვირუსის საწინააღმდეგო IgG ანტისხეულების განსაზღვრა სისხლში (EBV IgG);

• ეპშტაინ-ბარის ვირუსის საწინააღმდეგო IgM ანტისხეულების განსაზღვრა სისხლში (EBV IgM);

• კვანტიფერონის განსაზღვრა სისხლში (QuantiFERON-TB Gold Plus);

• C-რეაქტიული ცილის განსაზღვრა სისხლის შრატში, რაოდენობრივი (CRP).

გამოყენებული წყაროები:

• mayocliniclabs.com - Quantitative Lymphocyte Subsets: T, B, and NK Cells, Blood

• ncbi.nlm.nih.gov - Application of Cytometry in Primary Immunodeficiencies

• medlineplus.gov - CD4 Lymphocyte Count

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.