გაპტოგლობინის შედეგი ფასდება თვისობრივად – გაპტოგლობინის დონე ფასდება როგორც დაქვეითებული, ნორმალური ან მომატებული.

გაპტოგლობინის დაბალი მაჩვენებელი შესაძლოა ასოცირდებოდეს:

• ჰემოლიზურ ანემიასთან – განსაკუთრებით სისხლძარღვშიდა ჰემოლიზთან, როცა ერითროციტები სისხლის ნაკადშივე იშლება;

• აუტოიმუნურ ჰემოლიზურ ანემიასთან;

• სისხლის გადასხმის შემდგომ რეაქციასთან;

• ჰემოგლობინოპათიებთან (ნამგლისებრუჯრედოვანი დაავადება, თალასემია) და ერითროციტების მემბრანის ან ფერმენტული დეფექტებთან;

• მეგალობლასტურ ანემიასთან (ვიტამინ B12-ისა და ფოლიუმის მჟავას დეფიციტი), რომელსაც ჰემოლიზის კომპონენტი ახლავს;

• ღვიძლის მძიმე დაავადებასთან (ცილის სინთეზის დაქვეითება);

• იშვიათ მემკვიდრულ მდგომარეობასთან, როცა გაპტოგლობინი თანდაყოლილად დაბალია (ჰემოლიზთან კავშირის გარეშე).

გაპტოგლობინის მომატებული მაჩვენებელი შესაძლოა ასოცირდებოდეს:

• მწვავე ან ქრონიკულ ანთებასთან და ინფექციებთან;

• სიმსივნურ დაავადებებთან;

• ქსოვილის დაზიანებასა და სტრესულ მდგომარეობებთან;

• ცალკეული მედიკამენტების (მაგ., კორტიკოსტეროიდების) მიღებასთან.

მნიშვნელოვანია, რომ ანთების ფონზე გაპტოგლობინი შესაძლოა ნორმალური ან მომატებული დარჩეს მნიშვნელოვანი ჰემოლიზის არსებობის მიუხედავად – ამიტომ მისი შედეგი იზოლირებულად არ ფასდება. ჰემოლიზის სანდო შესაფასებლად გაპტოგლობინი ფასდება ლაქტატდეჰიდროგენაზის (LDH), ბილირუბინის, რეტიკულოციტებისა და სისხლის საერთო ანალიზის შედეგებთან ერთად.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზთან) და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• რეტიკულოციტების განსაზღვრა სისხლში (RET);

• ლაქტატდეჰიდროგენაზის განსაზღვრა სისხლში (LDH);

• საერთო ბილირუბინის განსაზღვრა სისხლის შრატში (TBIL);

• არაკონიუგირებული (არაპირდაპირი) ბილირუბინის განსაზღვრა სისხლის შრატში ( IBIL);

• ერითროციტების მორფოლოგიური შეფასება პერიფერიულ სისხლში;

• კუმბსის პირდაპირი რეაქცია (DAT);

• რკინის განსაზღვრა სისხლის შრატში (Iron);

• ფერიტინის განსაზღვრა სისხლის შრატში (Ferritin);

• ფოლიუმის მჟავას განსაზღვრა სისხლში (Folate);

• ვიტამინ B12-ის განსაზღვრა სისხლში (Vitamin B12);

• Hb-ელექტროფორეზი;

• C-რეაქტიული ცილის განსაზღვრა სისხლის შრატში, რაოდენობრივი (CRP).

გამოყენებული წყაროები:

• testing.com - Haptoglobin

• labcorp.com - Haptoglobin

• my.clevelandclinic.org - Hemolytic Anemia

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.