C4-ის დაბალი მაჩვენებელი შესაძლოა გამოვლინდეს შემდეგ შემთხვევებში:

• სისტემური წითელი მგლურა (სწმ) (აქტიური ფაზა, განსაკუთრებით ლუპუს-ნეფრიტი);

• ადრეული გლომერულონეფრიტი;

• იმუნური კომპლექსებით გამოწვეული დაავადებები;

• კრიოგლობულინემია;

• მემკვიდრული ანგიოედემა (C1-ინჰიბიტორის დეფიციტი - იზოლირებულად დაბალი C4);

• თანდაყოლილი C4-ის დეფიციტი;

• გლომერულონეფრიტი მემბრანოპროლიფერაციული ფორმით;

• რევმატოიდული ვასკულიტი;

• ღვიძლის უკმარისობა, ციროზი;

• თირკმლის ტრანსპლანტატის უარყოფა;

• ცილის გადაჭარბებული დანაკარგი ნეფროზული სინდრომის დროს.

C4-ის მაღალი მაჩვენებელი შესაძლოა გამოვლინდეს შემდეგი მდგომარეობების დროს:

• მწვავე ანთებითი პროცესები (C4 არის მწვავე ფაზის ცილა);

• ბაქტერიული, ვირუსული ან სოკოვანი ინფექციები;

• წყლულოვანი კოლიტი, ნაწლავის ანთებითი დაავადებები;

• ავთვისებიანი სიმსივნეები (განსაკუთრებით - არაჰოჯკინის ლიმფომა, ლეიკოზი);

• ცხელება, ტრავმა, პოსტოპერაციული მდგომარეობა;

• აუტოიმუნური დაავადებების რემისიის ფაზა - იმუნოსუპრესიული თერაპიის ფონზე.

სისტემური წითელი მგლურას შემთხვევაში დაბალი C3 და C4 დაავადების აქტივობის სანდო მაჩვენებელია. იზოლირებულად დაბალი C4 (C3-ის ნორმის ფონზე) კი მემკვიდრული ანგიოედემის ან C4-ის თანდაყოლილი დეფიციტის ნიშანი შეიძლება იყოს.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• კომპლემენტის C3 კომპონენტის განსაზღვრა სისხლში (Complement C3);

• ანტინუკლეარული ანტისხეულები (ANA);

• ANA 23, პანელი;

• ორჯაჭვიანი დნმ-ის საწინააღმდეგო IgG ანტისხეულების განსაზღვრა სისხლში (anti-dsDNA IgG);

• რევმატოიდული ფაქტორის განსაზღვრა სისხლში (RF);

• ციკლური ციტრულინირებული პეპტიდის საწინააღმდეგო ანტისხეულების განსაზღვრა სისხლში (anti-CCP);

• C-რეაქტიული ცილის განსაზღვრა სისხლის შრატში, რაოდენობრივი (CRP);

• იმუნოგლობულინ G-ის განსაზღვრა სისხლში (IgG);

• იმუნოგლობულინ A-ის განსაზღვრა სისხლში (IgA);

• იმუნოგლობულინ M-ის განსაზღვრა სისხლში (IgM);

• კრეატინინის განსაზღვრა სისხლის შრატში (Creatinine);

• შარდის საერთო ანალიზი (Urinalysis).

გამოყენებული წყაროები:

• medlineplus.gov - Complement Blood Test

• my.clevelandclinic.org - C4 Complement Blood Test

• mayocliniclabs.com - Complement C4, Serum

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.