ლუპუს-ანტიკოაგულანტის (LA) დადებითი შედეგი მიუთითებს ანტიფოსფოლიპიდური ანტისხეულების არსებობასა და თრომბოზის გაზრდილ რისკზე. დადებითი შედეგი ერთჯერადად არ არის საკმარისი ანტიფოსფოლიპიდური სინდრომის დიაგნოზისთვის - დიაგნოზი დგინდება მხოლოდ მაშინ, როდესაც LA-ს დადებითობა დასტურდება მინიმუმ 12-კვირიანი ინტერვალით ჩატარებულ განმეორებით კვლევაზე და თანდართულია კლინიკური კრიტერიუმები.

ლუპუს-ანტიკოაგულანტის დადებითობა აღინიშნება შემდეგ შემთხვევებში:

• ანტიფოსფოლიპიდური სინდრომი (პირველადი ან მეორადი);

• სისტემური წითელი მგლურა (SLE);

• სხვა აუტოიმუნური დაავადებები (რევმატოიდული ართრიტი, შეგრენის სინდრომი, სისტემური სკლეროზი);

• ვირუსული ინფექციები (აივ-ინფიცირება, C ჰეპატიტი, ეპშტეინ-ბარის ვირუსი, COVID-19);

• ბაქტერიული ინფექციები (სიფილისი, ლაიმის დაავადება);

• რიგი მედიკამენტების გამოყენება (ფენოთიაზინები, პროკაინამიდი, ქინიდინი, ფენიტოინი);

• ონკოლოგიური დაავადებები (ლიმფომა, ლეიკოზი);

• ცრუ-დადებითი შედეგი ანტიკოაგულანტური თერაპიის ფონზე (განსაკუთრებით პირდაპირი ორალური ანტიკოაგულანტების - DOAC-ების მიღებისას).

უარყოფითი შედეგი ნაკლებად სავარაუდოდ მიუთითებს ანტიფოსფოლიპიდურ სინდრომზე, თუმცა APS-ის სრული შეფასებისთვის საჭიროა დამატებითი ლაბორატორიული მარკერების გამოკვლევა (ანტიკარდიოლიპინური ანტისხეულები, ანტი-β2-გლიკოპროტეინ I).

მნიშვნელოვანია: ანტიკოაგულანტური მკურნალობა (ვარფარინი, ჰეპარინი, რივაროქსაბანი, აპიქსაბანი) და DOAC-ები ხშირად განაპირობებს ცრუ-დადებითობას. რეკომენდებულია კვლევა ჩატარდეს მკურნალობის შეჩერების შემდეგ ან DOAC-ების ნეიტრალიზაციის სპეციფიკური მეთოდების გამოყენებით.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან და სხვა გამოკვლევებთან ერთად.

• ანტიკარდიოლიპინური ანტისხეულები IgM (Anti-Cardiolipin IgM);

• ანტიკარდიოლიპინური ანტისხეულები IgG (Anti-Cardiolipin IgG);

• ანტიბეტა 2 გლიკოპროტეინი IgM (Anti β -2 Glycoprotein IgM);

• ანტიბეტა 2 გლიკოპროტეინი IgG (Anti β -2 Glycoprotein IgG);

• კოაგულოგრამა (PT, PI, INR, aPTT, Fibrinogen);

• D-დიმერის განსაზღვრა სისხლში (D-dimer);

• ანტინუკლეარული ანტისხეულები (ANA);

• ANA 23, პანელი (აუტოიმუნური დაავადებების სკრინინგი);

• ორჯაჭვიანი დნმ-ის საწინააღმდეგო IgG ანტისხეულების განსაზღვრა სისხლში (anti-dsDNA IgG);

• კომპლემენტის C3 კომპონენტის განსაზღვრა სისხლში (Complement C3);

• კომპლემენტის C4 კომპონენტის განსაზღვრა სისხლში (Complement C4);

• თავისუფალი პროტეინ S-ის განსაზღვრა სისხლში (Free Protein S);

• პროტეინ C-ის განსაზღვრა სისხლში (Protein C);

• ანტითრომბინ III-ის განსაზღვრა სისხლში (AT III);

• ფაქტორი V Leiden მუტაცია;

• პროთრომბინ G20210A მუტაცია;

• ჰომოცისტეინის განსაზღვრა სისხლში (HCY);

• სისხლის საერთო ანალიზი, ედს (CBC+ESR);

• C-რეაქტიული ცილის განსაზღვრა სისხლის შრატში, რაოდენობრივი (CRP).

გამოყენებული წყაროები:

• medlineplus.gov - Lupus Anticoagulant Test

• mayocliniclabs.com - Lupus Anticoagulant Profile, Plasma

• testing.com - Lupus Anticoagulant Testing

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.