PTH-ის შედეგი ყოველთვის უნდა შეფასდეს სისხლში კალციუმის დონესთან ერთად, რადგან ამ ორის ურთიერთშეფარდება განსაზღვრავს, თუ რომელ პათოლოგიასთან გვაქვს საქმე.

PTH-ის მომატება შესაძლოა აღინიშნოს:

• პირველადი ჰიპერპარათირეოზის დროს (პარათირეოიდული ჯირკვლის ადენომა ან ჰიპერპლაზია);

• მეორადი ჰიპერპარათირეოზის დროს, რომელიც ვითარდება ქრონიკული თირკმლის უკმარისობის, D ვიტამინის დეფიციტის ან ნაწლავებში კალციუმის შეწოვის დარღვევის ფონზე;

• მესამეული ჰიპერპარათირეოზის დროს;

• კალციუმისა და D ვიტამინის დეფიციტის დროს;

• ფსევდოჰიპოპარათირეოზის დროს (ორგანიზმის ქსოვილების რეზისტენტობა PTH-ის მიმართ).

PTH-ის დაქვეითება შესაძლოა აღინიშნოს:

• ჰიპოპარათირეოზის დროს (ხშირად კისრის არეში ქირურგიული ჩარევის შემდეგ);

• სისხლში კალციუმის მომატებისას, რომელიც გამოწვეულია არა პარათირეოიდული ჯირკვლით, არამედ სხვა მიზეზით (მაგ. ონკოლოგიური დაავადება, D ვიტამინის ჭარბი მიღება);

• ზოგიერთი აუტოიმუნური დაავადების დროს;

• მაგნიუმის დონის მნიშვნელოვანი დარღვევისას.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის ანამნეზთან და სხვა გამოკვლევებთან ერთად.

• კალციუმის განსაზღვრა სისხლში (Ca);

• ალბუმინ-კორეგირებული კალციუმის განსაზღვრა სისხლში (Ca/Al);

• იონიზირებული კალციუმის განსაზღვრა სისხლში (Ca++);

• ფოსფორის განსაზღვრა სისხლში (P);

• D ვიტამინის განსაზღვრა სისხლში (25(OH)D);

• ტუტე ფოსფატაზის განსაზღვრა სისხლში (ALP);

• კრეატინინის განსაზღვრა სისხლის შრატში (Creatinine);

• კალციუმის განსაზღვრა შარდში (Ca, Urine);

• თირეოტროპული ჰორმონის განსაზღვრა სისხლში (TSH);

• ალბუმინის განსაზღვრა სისხლის შრატში (ALB).

გამოყენებული წყაროები:

• medlineplus.gov - PTH

• mayoclinic.org - PTH

• ncbi.nlm.nih.gov - PTH

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.