24-საათიან შარდში ცილის რაოდენობა ასახავს თირკმლის ფილტრისა და მილაკების ფუნქციურ მდგომარეობას.

შარდში ცილის მაღალი მაჩვენებელი (პროტეინურია) შესაძლოა გამოვლინდეს შემდეგ შემთხვევებში:

• გლომერულონეფრიტი (თირკმლის ფილტრის ანთება);

• ნეფროზული სინდრომი;

• დიაბეტური ნეფროპათია (შაქრიანი დიაბეტით გამოწვეული თირკმლის დაზიანება);

• ჰიპერტენზიული ნეფროპათია (არტერიული ჰიპერტენზიით გამოწვეული თირკმლის დაზიანება);

• თირკმლის ქრონიკული დაავადება (თქდ);

• პრეეკლამფსია და ეკლამფსია ორსულობის დროს;

• საშარდე გზების ინფექცია ან ანთება;

• მრავლობითი მიელომა (ცილების ჭარბი წარმოქმნა);

• ცხელება, ინტენსიური ფიზიკური დატვირთვა, დეჰიდრატაცია (დროებითი, არასპეციფიკური მომატება);

• ე.წ. ორთოსტატული პროტეინურია (ცილის გამოყოფა მხოლოდ ფეხზე დგომისას — უპირატესად ახალგაზრდებში, კეთილთვისებიანი მდგომარეობა).

შარდში ცილის ნორმული მაჩვენებელი, როგორც წესი, თირკმლის ფილტრის სათანადო ფუნქციაზე მიუთითებს. ერთჯერადი მცირე მომატება შესაძლოა იყოს დროებითი (ცხელების, ფიზიკური დატვირთვის ფონზე), ამიტომ პათოლოგიური შედეგი მოწმდება განმეორებითი კვლევით.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• ცილის განსაზღვრა შარდში (Protein, Urine);

• მიკროალბუმინის განსაზღვრა 24-საათიან შარდში (Microalbumin, 24h Urine);

• კრეატინინის განსაზღვრა შარდში (Creatinine, Urine);

• ალბუმინ-კრეატინინის თანაფარდობის გამოთვლა შარდში (ACR);

• შარდის საერთო ანალიზი (Urinalysis);

• კრეატინინი და eGFR, სისხლში;

• შარდოვანას აზოტის განსაზღვრა სისხლში (BUN);

• საერთო ცილის განსაზღვრა სისხლის შრატში (TP);

• ალბუმინის განსაზღვრა სისხლის შრატში (ALB);

• ლიპიდური პროფილი (TCHOL, TG, LDL-CHOL, HDL-CHOL);

• ელექტროლიტების კონცენტრაციის განსაზღვრა სისხლში (Na⁺, K⁺, Ca²⁺, Cl⁻).

გამოყენებული წყაროები:

• medlineplus.gov - Urine protein dipstick test

• medlineplus.gov - 24-Hour Urine Protein

• testing.com - Urine Albumin and Albumin to Creatinine Ratio Test

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.