პრუსიის ლურჯით შეღებვის (Perls-ის რეაქციის) შედეგი თვისობრივია – ფასდება რკინის (ლურჯად შეღებილი) დეპოზიტების არსებობა, რაოდენობა და განლაგება.

ნორმაში: ძვლის ტვინში გამოვლინდება რკინის ფიზიოლოგიური რაოდენობა.

რკინის მომატება (სიდეროზი/ჰემოსიდეროზი) შესაძლოა გამოვლინდეს შემდეგ შემთხვევებში:

• რკინის ჭარბი დაგროვება (ჰემოქრომატოზი, ჰემოსიდეროზი);

• ხშირი სისხლის გადასხმა (ტრანსფუზიური რკინის გადატვირთვა);

• სიდერობლასტური ანემია (რგოლისებრი სიდერობლასტების გამოვლენა);

• მიელოდისპლაზიური სინდრომი;

• ქრონიკული დაავადების ანემია (რკინა აკუმულირებულია მაკროფაგებში).

რკინის კლება ან არარსებობა (ნეგატიური შეღებვა) შესაძლოა გამოვლინდეს:

• რკინადეფიციტური ანემიის დროს (რკინის მარაგების ამოწურვა);

• ქრონიკული სისხლდენის ფონზე.

აღსანიშნავია, რომ Perls-ის შეღებვა აჩვენებს რკინის არსებობასა და განლაგებას, მაგრამ არ იძლევა მის ზუსტ რაოდენობრივ მაჩვენებელს.

ლაბორატორიული კვლევის შედეგები ყოველთვის უნდა შეფასდეს კლინიცისტის მიერ პაციენტის სამედიცინო ისტორიასთან (ანამნეზთან) და სხვა გამოკვლევების შედეგებთან ერთად.

• სისხლის საერთო ანალიზი, ედს (CBC+ESR);

• ფერიტინის განსაზღვრა სისხლის შრატში (Ferritin);

• რკინის განსაზღვრა სისხლის შრატში (Iron);

• ტრანსფერინის განსაზღვრა სისხლში (Transferrin);

• ტრანსფერინის გაჯერების ინდექსის გამოთვლა (TSAT);

• რეტიკულოციტების განსაზღვრა სისხლში (RET);

• ციტოქიმიური შეღებვა May-Grünwald-Giemsa-ს მეთოდით.

გამოყენებული წყაროები:

• ncbi.nlm.nih.gov - Perls' Stain Guidelines (GFHC)

• sciencedirect.com - Prussian Blue Staining Overview

• en.wikipedia.org - Perls Prussian Blue

• ნინო ღულათავა - სამედიცინო დირექტორი;

• ალეკო ხარებაშვილი - ჰისტოპათოლოგიის განყოფილების უფროსი, პათოლოგანატომი;

• ლევან არჯევანიძე - კომერციული დირექტორი.