NK-უჯრედების კლება (NK-უჯრედული ლიმფოპენია) შესაძლოა გამოვლინდეს შემდეგ შემთხვევებში:

• NK-უჯრედული დეფიციტი (NKD) - კლასიკური ფორმა (NK უჯრედები <1% ლიმფოციტებიდან) ხშირად ასოცირდება მძიმე, რეციდიულ ჰერპესვირუსულ ინფექციებთან;

• პირველადი იმუნოდეფიციტური მდგომარეობები (მძიმე კომბინირებული იმუნოდეფიციტი - SCID, განსაკუთრებით T-B+NK- ფორმა);

• იმუნოსუპრესიული მკურნალობა (კორტიკოსტეროიდები, კალცინევრინის ინჰიბიტორები);

• ქიმიოთერაპია, რადიოთერაპია;

• სისტემური წითელი მგლურა და სხვა აუტოიმუნური დაავადებები (განსაკუთრებით - მწვავე ფაზაში);

• ქრონიკული ვირუსული ინფექციები;

• ფიზიოლოგიური დაქვეითება ხანდაზმულ ასაკში;

• ქრონიკული სტრესი და დეპრესია (გარდამავალი დაქვეითება).

NK-უჯრედების მომატება (NK-უჯრედული ლიმფოციტოზი) შესაძლოა გამოვლინდეს შემდეგ შემთხვევებში:

• ქრონიკული NK-უჯრედული ლიმფოციტოზი (CLPD-NK);

• აგრესიული NK-უჯრედული ლეიკემია;

• ექსტრანოდალური NK/T-უჯრედული ლიმფომა (ცხვირის ტიპი);

• მწვავე ვირუსული ინფექციები (EBV, CMV);

• ქრონიკული აქტიური EBV-ინფექცია;

• ფიზიკური დატვირთვა (გარდამავალი მომატება);

• ცხელება, სტრესის რეაქცია.

მნიშვნელოვანი შენიშვნა ფუნქციური აქტივობის შესახებ:

მნიშვნელოვანია, რომ NK უჯრედების რაოდენობრივი მაჩვენებელი არ ასახავს მათ ფუნქციურ აქტივობას. ფუნქციური NKD-ის შემთხვევებში NK უჯრედების რაოდენობა შესაძლოა იყოს ნორმალური ან მომატებული, თუმცა მათი ციტოტოქსიური ფუნქცია დაქვეითებულია. ფუნქციური შეფასებისთვის საჭიროა სპეციფიკური ციტოტოქსიური ტესტების ჩატარება.

ლაბორატორიული კვლევის შედეგები ყოველთვის უნდა შეფასდეს ექიმის მიერ პაციენტის სამედიცინო ისტორიასთან (ანამნეზურ მონაცემებთან) და სხვა გამოკვლევების შედეგებთან ერთად.

• ლიმფოციტები, NK, T, B, CD4, CD8 გამდინარე ციტომეტრიული მეთოდით;

• T და B ლიმფოციტები სისხლში, გამდინარე ციტომეტრიული მეთოდი;

• ლიმფოციტები, CD19 (CD3-CD19+), სისხლში გამდინარე ციტომეტრიული მეთოდით;

• ლიმფოციტები CD4 და CD8 განსაზღვრა სისხლში გამდინარე ციტომეტრიული მეთოდით;

• CD4 ლიმფოციტები სისხლში, გამდინარე ციტომეტრიული მეთოდი;

• CD8 ლიმფოციტები, სისხლში გამდინარე ციტომეტრიული მეთოდი;

• სისხლის საერთო ანალიზი, ედს (CBC+ESR);

• ლეიკოციტების მორფოლოგიური შეფასება პერიფერიულ სისხლში;

• იმუნოგლობულინ G-ის განსაზღვრა სისხლში (IgG);

• იმუნოგლობულინ M-ის განსაზღვრა სისხლში (IgM);

• იმუნოგლობულინ A-ის განსაზღვრა სისხლში (IgA);

• ციტომეგალოვირუსის საწინააღმდეგო IgG ანტისხეულების განსაზღვრა სისხლში (CMV IgG);

• ციტომეგალოვირუსის საწინააღმდეგო IgM ანტისხეულების განსაზღვრა სისხლში (CMV IgM);

• ეპშტაინ-ბარის ვირუსის საწინააღმდეგო IgG ანტისხეულების განსაზღვრა სისხლში (EBV IgG);

• ეპშტაინ-ბარის ვირუსის საწინააღმდეგო IgM ანტისხეულების განსაზღვრა სისხლში (EBV IgM);

• მარტივი ჰერპესვირუსის საწინააღმდეგო IgG ანტისხეულების განსაზღვრა სისხლში (HSV-1/2 IgG);

• ვარიცელა ზოსტერის საწინააღმდეგო IgG ანტისხეულების განსაზღვრა სისხლში (VZV IgG);

• აივ-ის საწინააღმდეგო ანტისხეულებისა და p24 ანტიგენის კომბინირებული განსაზღვრა სისხლში (HIV Ag/Ab Combo).

გამოყენებული წყაროები:

• mayocliniclabs.com - Natural Killer (NK) Cell Subsets, Quantitative, Blood

• mayocliniclabs.com - Quantitative Lymphocyte Subsets: T, B, and NK Cells, Blood

• ncbi.nlm.nih.gov - Application of Cytometry in Primary Immunodeficiencies

• ნინო ღულათავა - სამედიცინო დირექტორი;

• ნინო მურადაშვილი - ჰემატოლოგიის, ბიოქიმიის და იმუნოლოგიის მიმართულების ხელმძღვანელი;

• ლევან არჯევანიძე - კომერციული დირექტორი.